Entre o 11 de setembro e o 5 de outubro do ano 2024, a Fundación Bretal inaugurou a mostra sobre o Real Mosteiro de Oia: “Un Mosteiro, un mar de historia(s)”, na sede de AFUNDACIÓN en Vigo.

Nesta publicación incorpórase o resultado do proceso de documentación que foi a base do discurso expositivo, que achega novos datos de incrible valor grazas á investigación continuada desde a actual propiedade desde hai máis de vinte anos. Os datos achegados, corroborados por un Comité Científico de excepción, permiten seguir achegándonos a historia dun dos monumentos máis icónicos da costa galega.